Монгол улсын Засгийн газраас Бүсчилсэн хөгжлийг дэмжих жил болгон зарласантай холбогдуулан Зуунмод сумын Засаг дарга бөгөөд Хотын захирагч Ч.Сарангэрэлийн урилгаар Дархан-Уул аймгийн Дархан сум, Сэлэнгэ аймгийн Сүхбаатар сумын ИТХ, ЗДТГ-ын албан хаагчид Зуунмод хотод “Бүсчилсэн хөгжил - Аймгийн төвийн хотууд” сэдэвт уулзалт, хэлэлцүүлэгт оролцлоо. Уулзалтын үеэр 3 хотын удирдлагууд бүтээн байгуулалтын ажлаа танилцуулж, хоорондын цаашдын найрсаг харилцаа, хамтын ажиллагааг өргөжүүлэн хөгжүүлэх, хотуудын хэмжээнд албан хаагчид харилцан туршлага судлах чиглэлээр тус тус санал солилцлоо.