2024 оны 12 дугаар сарын 04-ний өдөр Сүхбаатар сумын Иргэдийн Төлөөлөгчдийн Хурлын дарга М.Эрдэнэбат, сумын ИТХ-ын төлөөлөгч сумын Засаг дарга Т.Пүрэвсүрэн, Төлөөлөгч Б.Амгалан, Д.Очир-Сайхан, Д.Хандсүрэн, Э.Эрдэнэсайхан нар аймгийн Онцгой байдлын газрын даргын урилгаар өнөөдөр тус байгууллагын үйл ажиллгаатай нь танилцаж уулзалт хийлээ.
Энэхүү уулзалтын үеэр аймгийн Онцгой байдлын газрын дарга Хурандаа Г.Галбадрах хурлын Зөвлөлийн гишүүд, төлөөлөгч нарт байгууллагынхаа үйл ажиллагаа, цаашид хийж хэрэгжүүлэх үйл ажиллагаа тулгамдаж буй асуудлуудаа танилцууллаа. Мөн Гал түймэр унтраах, аврах 36 дугаар ангийн бие бүрэлдэхүүн, техник тоног төхөөрөмж, хувцас хэрэглэлтэй танилцаж, тус байгууллагын "Хүндэт дэвтэр"-т ИТХ-ын дарга, сумын Засаг дарга нар сэтгэгдлээ бичин үлдээлээ.
Иргэдийн Төлөөлөгчдийн Хурлын дарга Зөвлөлийн гишүүд, Төлөөлөгч нар аймгийн Онцгой байдлын газартай цаашид хамтарч, дэмжиж ажиллахаа уулзалтын үеэр илэрхийллээ.
