Сүхбаатар сумын ИТХ-ын төлөөлөгчид Дархан-Уул аймаг дахь  Монгол улсын хүнс, хөдөө аж ахуй хөнгөн үйлдвэрийн яамтай танилцлаа. Төрийн нарийн бичгийн дарга Ж.Оюунцэцэг хүлээн авч мэдээлэл өгч ажиллаа.

Сүхбаатар сумын Иргэдийн Төлөөлөгчдийг Монгол улсын Хүнс, хөдөө аж ахуй, Хөнгөн үйлдвэрийн яамны сайд Жадамбын Энхбаяр хүлээн авч уулзлаа. Уулзалтын хүрээнд төлөөлөгчид ХХААХҮЯ-ны бодлого чиглэл, шинэ бүтэц бүрэлдэхүүн, үйл ажиллагааны явц байдалыг танилцууллаа.

Мөн төлөөлөгчид төвийн бүс буюу эрчимжүүлэн, төрөлжүүлэн хөгжүүлэх бүс нутгийн иргэдийн хувьд ХХААХҮЯ-ны барьж буй бодлого чиглэл, цаашид хэрэгжүүлэх үйл ажиллагааг өөрийн сум орон нутагтаа хэрэгжүүлэх ямар боломж нөхцөл байгаа, хэрхэн цаашдаа хамтарч ажиллах талаар мэдээлэл өглөө.

Монгол Улсын Засгийн газрын Төвийн бүсийг “Хөдөө аж ахуйн төрөлжсөн бүс бөгөөд аж үйлдвэрийн дэд бүс” болгон хөгжүүлэх бодлого, Хүнс, хөдөө аж ахуй, хөнгөн үйлдвэрийн салбарт хийгдэх ажил, бодлого төлөвлөлт, төсөл хөтөлбөрүүдийг танилцуулан санал солилцлоо.

Монгол Улсын “Алсын хараа-2050”, “Шинэ сэргэлтийн бодлого”, “Цагаан алт”, “Шинэ хоршоо, “Атрын 4-р аян” Засгийн газрын бодлогууд тодорхой болсон байна.

Мөн мемори майнд кидс ХХК сургагч багш Э.Аръяа, Ч.Мөнхзул нар иргэдийн Төлөөлөгчдийн Хурлын Төлөөлөгч нарыг мэдээ мэдээллээр хангах, мэдлэгийг дээшлүүлэх, Хувь хүний хөгжил, манлайлалыг бий болгох, багын ажиллагааг сайжруулах, бүтээлч сэтгэлгээг хөгжүүлэх зорилгоор 4 төрлийн хичээлээр сургалт зохион байгууллаа.

Үүнд:

1.     Багийн хамтын ажиллагаа

2.     Харилцаа хандлага

3.     Манлайлал

4.     Бүтээлч сэтгэлгээ