Сумын ИТХ-д Боргүвээ 5-р багаас сонгогдсон төлөөлөгчид баг дээрээ ажиллалаа. Боргүвээ 5-р багт үйл ажиллагаа явуулж байгаа сургууль, цэцэрлэгийн ажилтан албан хаагчид, иргэд гээд нийт 60 гаран иргэдтэй уулзаж баг дээр хийгдэж байгаа болон хийгдэхээр төлөвлөж байгаа ажлын талаар мэдээлэл өглөө. Мөн дараах сургалт мэдээлэлийг хүргэж, санал хүсэлтийг нь сонслоо. Үүнд:
"Эерэг сэтгэлгээний хүч" сургалтыг төлөөлөгч М.Эрдэнэбат"Иргэдийн төсөв" Төсвийн талаарх мэдээлэлийг төлөөлөгч Н.Гантуяа" Багийн шинэчилсэн статистик тоо мэдээлэл, хийгдэж буй ажил арга хэмжээ" төлөөлөгч Ш.Онон"Амны хөндийн эрүүл ахуй" сургалтыг төлөөлөгч Б.Лхагвадорж нар явууллаа.
Иргэд уг арга хэмжээнд сэтгэл ханамж өндөртэй, эргэх холбоотой ажиллаж байгааг сайшааж, хамтран дэмжиж ажиллахаа илэрхийллээ.
Иргэд өөрсдийн амьдарч буй орчноо сайжруулах, ногоон байгууламж нэмэгдүүлэх үүднээс мод тарих цагаар нийтээрээ мод тарих, орчины тохижилтыг хийх санаачлага гаргалаа.
Мөн багийн хүүхдүүдийн амны хөндийн эрүүл ахуйг сайжруулах зорилгоор шүдний үзлэг шинжилгээ хийж хариу арга хэмжээг авч ажиллахаа төлөөлөгч Б.Лхагвадорж илэрхийллээ.Улирал бүр уг арга хэмжээг зохион байгуулахаар боллоо.
Иргэдийн оролцоотой
Ил тод, нээлттэй төсөвтэй
Иргэндээ ээлтэй тэгш, хүртээмжтэй нийгмийг хамтдаа бий болгоё.
