Төрийн үйлчилгээг малчны хотонд 3 дахь жилдээ зохион байгуулагдаж байна.
2025 оны 02 дугаар сарын 04-ний өдөр Сүхбаатар сумын Иргэдийн Төлөөлөгчдийн Хурлын дарга М.Эрдэнэбат, Сүхбаатар сумын Засаг дарга Т.Пүрэвсүрэн, сумын Засаг даргын Орлогч Ц.Пүрэвдоржоор ахлуулсан Тамгын газрын ажлын хэсэг, аймаг, сумын Иргэдийн Төлөөлөгчдийн Хурлын төлөөлөгч нар болон аймгийн Онцгой байдлын газар, Мал эмнэлгийн газар, Татварын газар, Өрхийн эрүүл мэндийн төвийн эмч, төлөөллүүдтэй хамтран өнөөдөр Бор гүвээ 5 дугаар багийн малчид, мал бүхий иргэдтэй уулзаж, өвөлжилтийн байдалтай танилцаж, төрийн үйлчилгээг үзүүлэх, мэдээ, мэдээллээр хангах ажлыг зохион байгууллаа. Энэхүү үйл ажиллагааг жил бүр уламжлал болгон зохион байгуулан малчин иргэдийнхээ дуу хоолойг сонсох, залуу малчдаа дэмжих, тулгамдаж буй асуудлуудыг сонсох, эрүүл мэндийн үзлэг оношлогоо хийж төрийн үйлчилгээг малчны хотхонд хүргэн ажилладаг билээ. #Иргэдээ_сонсъё аяны хүрээд сонсох ажиллагааг зохион байгуулан Цагаан эрэг ОНӨААТҮГазар хог, хаягдлын хураамжтай холбоотой иргэдээс санал асуулга хийлээ.
"Аюулгүй галлагаа" нэгдсэн арга хэмжээний хүрээнд аймгийн Онцгой байдлын газрын алба хаагчид галын аюулгүй байдлыг хэрхэн хангах талаар заавар, зөвлөмж хүргэж, мөн Сэлэнгийн долгио чуулгын уран бүтээлчид ая дуугаа хүргэн нэгэн өдрийг малчны хотхонд дуулж, бүжиглэж нэгэн өдрийг дуу хууртай өнгөрүүллээ.
Энэхүү үйл ажиллагааг зохион байгуулахад жил бүр хамтран оролцдог "Алтан тариа ХХК" малчиддаа 80 шуудай хивэг/2тн/, 80 шуудай гурил /400кг/ хандив, тусламжийг иргэддээ хүргэн ажиллаж байна.
“Алтан тариа ХХК” нь хүнсний үйлдвэрийн салбарт 60 жилийн туршлагатай хүнсний манлай үйлдвэр бөгөөд Сүхбаатар хотын олон иргэдийг ажлын байраар хангаж тогтвортой ажиллан орон нутгийн хөгжилд үнэтэй хувь нэмрээ оруулж байгаа томоохон үйлдвэрүүдийн нэг билээ.
