Нутгийн захиргааны байгууллагуудын удирдах ажилтны зөвлөгөөн болж байна. Сэлэнгэ аймаг 2025 оныг "Бүтээн байгуулалт-Ногоон хөгжлийг дэмжих жил" болгон зарлалаа.

МУ-ын Ерөнхийлөгч, УИХ, Засгийн газар, аймгийн ИТХ, Засаг даргын бодлого шийдвэр болон урт, дунд, богино хугацааны хөгжлийн бодлогын баримт бичгүүдийг аймаг орон нутаг, салбарын хэмжээнд хэрэгжүүлэхэд анхаарах асуудлуудыг тодотгох нь зөвлөгөөний гол зорилго юм. Удирдах ажилтны зөвлөгөөнд ИТХ-ын дарга, Засаг дарга, ИТХ-ын нарийн бичгийн дарга, ЗДТГ-ын дарга, ЗДТГ-ын бүрэлдэхүүн, аймгийн ЗД-ын эрхлэх асуудлын хүрээний агентлагийн дарга нар, Нийгмийн салбарын үйлчилгээний байгууллагуудын удирдлага, сумдын ИТХ-ын дарга, Засаг дарга, ЗДТГ-ын дарга нар, ОНӨААТҮГ-ын дарга, захирал, Сум дундын ойн ангийн дарга нар оролцож байна.