2025 оны 07 дугаар сарын 03-ны өдөр Сүхбаатар сумын Засаг дарга болон 7 дугаар багийн төлөөлөгч нар тус суманд Улсын төсвийн хөрөнгө оруулалтаар хийгдэж байгаа зам засвар, шинэчлэлтийн ажлын явцтай танилцлаа.

Шинээр зам тавигдаж байгаатай холбогдуулан сумын Засаг дарга Т.Пүрэвсүрэн, зам засварын ажлын гүйцэтгэгч байгууллагын инженер, багийн Засаг дарга нар Ганзам 7 дугаар багийн 3 дугаар хэсгийн оршин суугчидтай уулзаж орц, гарц, үерийн эрсдэлтэй байгаа газар болон тухайн хэсэгт байгаа иргэдийн өргөдөл, гомдол ихээр ирж байгаа ил задгай 00, ашиглагдахгүй байгаа балгас, байгууламжийг цэгцлэх талаар ярилцаж энэ асуудлыг яаралтай шийдвэрлэж иргэдийн эрүүл, аюулгүй байдлыг ханган ажиллахыг үүрэг болголоо.