2025 оны 08 сарын 27,28-ны өдрүүдэд Сүхбаатар сумын иргэдийн Төлөөлөгчдийн хурлын даргын захирамжаар цэцэрлэг, сургуулиудын үйл ажиллагаатай танилцах 2 ажлын хэсэг байгуулан ажиллалаа.
Ажлын хэсэг Ерөнхий боловсролын сургууль, цэцэрлэгүүдийн хичээлийн жилийн бэлтгэл үйл явцтай танилцах, хүчин чадал, галын аюулгүй байдал болон аюулгүйн гарцын мэдээлэл, дэд бүтцийн асуудал, хоол үйлдвэрлэл, хүүхдийн эрүүл орчин, аюулгүй байдал, заалны хүрэлцээ хангамж, эрүүл мэндийн боловсрол, эмчийн ажиллах орчин нөхцөлтэй танилцлаа. Сургууль цэцэрлэгүүдийг өөрсдийн дотоод нөөц бололцоог ашиглан хийж хэрэгжүүлэх ажлуудын талаар зөвлөмж өглөө.
Ажлын хэсэг хуралдаж дараах дүгнэлт хийлээ.
- Мэргэжлийн байгууллагаар галын дүгнэлт гаргуулж, эрсдэлийн үнэлгээг хийлгэх
- Ил гарсан тог цахилгааны утасыг далдлах, галын аюулгүй байдлыг бүрэн хангаж ажиллах, Аюулт үзэгдлээс урьдчилан сэргийлж аянга газардуулагч хийх, спорт заалны багтаамжийн дүгнэлт гаргах
- Гэрэлтүүлэг нэмэх
- Төсөв хэлэлцэхдээ тухайн байгууллагын гаргасан санал, зураг төсвийг харж нэн шаардлагатай асуудал дээр анхаарах, Зураг төсөвтэй ажлыг нэн тэргүүнд хийдэг байх
- Гэмт хэрэг зөрчлөөс урьдчилан сэргийлэх зорилгоор цэцэрлэгүүдийн камержуулалтын асуудлыг шуурхай шийдвэрлэх
- Гал тогооны тоног төхөөрөмж, Зөөлөн эдлэл, хүүхдийн орны асуудлыг нэмэгдүүлэх шаардлагатай
- Хүүхдэд анхааруулах санамж, тэмдэг тэмдэглэгээ хийх шаарпдлагатай
- Замын гарц, хурд сааруулагч, тэмдэг тэмдэглэгээг нэмэгдүүлэх
- Сургуулиудад багшлах боловсон хүчин дутмаг байгааг бодлогоор дэмжиж ажиллах
- Ариутгал халдваргүйжилт мэргэжлийн байгууллагаар хийлгэх,
- Гадна дотго орчны эрсдэлийн үнэлгээ хийж хүүхдэд ээлтэй аюулгүй орчинг бүрдүүлэх
- Дотор ариун цэврийн байгууламжийг ажилд оруулах
Тухайн байгууллагуудад иргэдийн Төлөөлөгчдийн Хурлын ажлын албанаас зөвлөмжийг хүргүүлнэ. Гаргасан санал санаачлага, ажлын үр дүнг Зөвлөлд танилцуулахаар ажиллаж байна.
