Сүхбаатар сумын Иргэдийн Төлөөлөгчдийн Хурлаас гаргасан тогтоол, шийдвэрийг сурталчлах, хэрэгжилтийг хангуулах, хурлын төлөөлөгчид болон иргэд олон нийтийг мэдээллээр хангах, иргэдийн санал, хүсэлтийг орон нутгийн шийдвэрт тусгах зорилгоор боловсруулсан "365/100/30" арга хэмжээний төлөвлөгөөний хүрээнд өнөөдөр сумын ИТХ-ын төлөөлөгч нарт Сүхбаатар сумын "Хотын хөгжлийн ерөнхий төлөвлөгөө"-ний төслийн талаар танилцуулга хийгдлээ.

Уг төслийн танилцуулгыг гүйцэтгэгч "Интеллект таур" ХХК-ний Хот төлөвлөлтийн Зөвлөх архитектор А.Баттөмөр, Хот төлөвлөлтийн мэргэшсэн архитектор А.Ирээдүй нар танилцуулга, мэдээлэл хийж хурлын төлөөлөгч нар тус төсөлтэй холбоотой сум орон нутагт тулгамдаж буй асуудлуудыг хот төлөвлөлтийн ерөнхий төлөлөгөөнд тусгах талаар санал солилцлоо.